Hogaamintii, Hab-dhaqankii iyo Hibooyinkii M.X.I Cigaal AHUN. Q5AAD.

Cigaal oo ahaa Xoghayihii xisbigii SNL waxaa u suurto gashay uu gacantiisa ku saxeexay in maxmiyadii Somaliland xornimadeeda ka qaadato ingiriiska,  Bil ka hor xornimada isagoo  safar ku joga Magaalda London ayuu ka hadlay jidhka dheer ee sugaya  shacabkii mudada u dhaag taagayay xornimada , waxaana hadaladiisii ka mid ahaa “Maanta wado dheer oo aynu soo marnay ayaynu joognaa Madaxeedii,hase ahaatee mid tii ka dheer kana adag ayaynu manta galaynaa,Dawladnimo loo qaylinayaa ama dawladnimaanu doonaynaa baa la yidhaahda, wey suuro gashaa, oo manta inaguba weynu uso qaylinay helnay dawladnimadiina,  hase ahaatee

ta ka adage ee kasii adag ee aynu manta madaxa la galnay”

isagoo hadalkiisa sii wata waxa  uu si duurxul iyo  hogatusaalayn ah u soo qaatay in Nabiga CSW laga wariyay iyadoo asxaabtu wada daalan tahay oo dagaal weyn laga soo baxay uu yidhi dagaalkii yaraana  hada ayaynu kasoo baxnay, kii weynaana hada ayan galaynaa, asxaabtii oo yaabana ay tidhi dagaalka aan manta galnay mid ka weyn maanu filayne muxu ahaa kaa weyni Rasuul allaw? Waxaanu yidhi Rasuulku SCW kaasi waxa uu ahaa mid aan cadaw la dagalamaynay, kan imika inoo hadhay waa kii aan nafteena kala dagaalamaynay wixii xun, wixi san ugu diraynay. Cigaal xadiiska waxa uu usoo qaatay in uu tuso Shacabkii Somaliland in halgankii dawladnimadu u hadhsan yahay ee aanay is dhigan.

Somaliland markii ay xornimadii si buuxda uga qaadatay  Ingiriiska, Cigaal waxa uu soo jeediyay in horta aan lagu dagdagin midnimada oo mudo laga baaraan dago,  waxaana taladiisii ka mid ahayd “Umul baa la umul bixiyaaye ee aynu mudo sugno” Hadalkaasi oo aanu uga jeedin diidmo midnimada Somaliyed balse uga jeeday in dhug loo yeesho habka midnimada, waxaase ka awood batay shacabkii irbada midnimadu ku mudnayd oo  dabada ka riixayay.

Cigaal oo aan odhan karo waxa ahaa udub dhexaadkii midnimadii Maxmiyadi  Somaliland  iyo Somalidii talyaanigu gumaysan jiray, mar uu ka hadlay sobobihii dhaliyay midnimada degdega ah, ee bilaa shuruudaha ah, waxa uu yidhi  “ markii hore ee aanu meesha galnay khalad muu ahayne laaxin baa galay, laaxinkiina indha ayaanu ka qarsanay, way jirtay mar aan baarlamaanka nidhi waar laaxinbaa galee halaga saaro, laakiin waa la liqay taasi” waxaa kale oo uu ku sobobeeyay inay wakhtiyadaas jirtay dabayl wixii jirayba badalaysay.

21 October 1969 ayuu Siyaad Bare  inqilaab ku qabsaday Jamhuuriyadii Somalia kadib markii si shirqool ah Magaalada Laascaanood loogu dilay AHUN Cabdirashid Cali Sharmaake oo ahaa madaxweynihii Jamhuuriyada, Cigaal oo ahaa raysal wasaarena waxaa loo dhaadhiciyay jeelka, dhawr jeer oo danbena way xidhay xukumadii Siyaad Bare.

Mudadii uu Siyaad Bare dalka xukumayay wuxu ku talaxtagay qabyaalad, cadaalad daro,Cabudhin,Musuq iyo diinta islaamka oo uu ka hor yimid isagoo si kale u dhigay ama u fasiray Aayado quraan ah, Arimahasi aan kor ku sheegnay iyo qaar kale oo is biirsaday  waxay dhaleen  inay abuurmaan Jabhado ay ugu awood badnayd SNM iyo USC ,  waxaanay aakhirkii ku guulaysteen in xilka laga tuuro Siyaad Bare.

 Markii xilka laga tuuray Siyaad Bare waxaa Magaalada Mugdisho oo ahayd caasimada Somalia  laba saf u kala fadhiistay Cali Mahdi iyo Jeneral. Caydiid kooxo ay kala hogaaminayeen,  Rajo danbe oo Dawlad Somaliya ahna waa muuqan wayday, waa markaas marka  magaalada Burco lagaga dhawaaqay 18,May,1991 lasoo noqoshada Madaxbanaanida Somaliland.  M.X.I Cigaal isna waxa uu u  digo rogtay xaga Somaliland oo uu madaxweyne ka noqday isla markaana ilaahay ka sokow lahaa yagleelkeedii, Sees iyo hiigsina u xariiqay si ay uga mid noqoto beesha caalamka,  Aqoonsiga oo arimaha ugu culus ee Somaliland ku gudban  waxaa uu ka aaminsanaa sidan  “ Aqoonsigu  maaha waxa hadiyad loo bixiyo, dalkayaga markaanu dhamaysano ee dawlada dhisno, bil qasab bu ku imanayaa danbaana keenaysa” Reer Somaliland sidii ayay dawlad dhis ugu jiran,walina u sugayaan aqoonsi, waxaana muuqanaya in dantii (Interest) Cigaal uu sheegay ay keeni doonto aqoonsiga…………….LASOCO Q6AAD

Fuaad Abdillahi Hassan

Qalinmaal.blogspot.com

Hargeisa, Somaliland