Goobaha Tilmaaman Somaliland dhaqaalena laga abuuri karo!

Waxan qalinka u qaatay inaan tilmaamo meelahaa hodanka khayraad iyo wax soo saarna laga samayn karo eek u yaal dhulka Somaliland, Guud ahaan Deegaanka Somaliland waxaa uu leeyahay dhul daaqsimeed wanaagsan oo
xoolo badan lagu dhaqi karo si wadanka loogu horumariyo Nasiib darose cidi iskama xil saarin Hawshaa waxaa jira Buuro waawayno oo ku fadhiya Xadi balaadhan lama eegin buurahaasi waxa ku jira waase la agmaraa uun,

ü Meel walba dooxyo ayaa mara Biyo xawli ahi soo Jibaaxaan balse Aragtida biyahuba waa inta roobku da’ayo uun,Orad ayayna ku dhaafaan, Waxad Moodaa in laga maarmay roob oo dhanba!! Ka faaiidaysi daaye Cabitaana lagama qabsado waxaana dhacda in aan xaafadina ka dhaansan Biyahaasi Xareeda ah ee Cusub oo waxyaabo badan ka Dawo ah. Barrina waa laga Ooman yahay Dhamaan waxaana la isku halaynayaa Ceelal tiro yar oo Biyo lagu kaydiyo Ceelashasi maahase qaar kaafiyi kara bulshada intaas leeg, Sobobtoo ah Ceelka iyo Xadiga dadka quudanayaa way kala badan yihiin, Sidaas darted waxaa dhacda Wakhtiyada Qaarkood in la waayo Biyo Gabigoodba, Baroorta iyo Ba’ayeeyda ayaana badata ( Badhaadhahaaga mooyee Dhul u dhacaga Hubso ) Dhubuq dhubuq horena dhabano hays danbe ayay leedahay ayaa lagu danbeeyaa.

ü Gobolada Somaliland qaarkood waxaa laga helaa Durduro socda Gu’ iyo Jiilaalba, durduradaasi waxa lagu yaqaan inaanay marnaba Istaagin hadana durduradaas iyo biyahaas mar walba socda cid kama faaiidaysato, Waxaadse arkaysaa uun Islaan ama Oday bustaan yar oo aan Afkeeda dhaafsiisanayn ka beertay. Iyadoo durduradaasi jiraan ayaa la sugaa mar walba khudaar iib ah. Bal adba garo bulshada Somaliland oo dhanba tolow ma iibkay walaalo yihin?.

ü Buuraha qaarkood waxaa lagu sheegaa inay leeyihiin Macdano Qaali ah sida buurta ku taal Gobolka Awdal oo Magaceeduba sheegayo (Emerald) Juquraafi ahaan sida la sheego Buurtan waxay Xariiq wadaagaan Dhulka Columbia oo ah Wadanka Aduunka ugu Macdanaha Qaalisan uguna Macdanaha Badan

ü Oogada Gabiley sida ay u dhan tahay Waa dhul Beereed iyo Dhul Daaqsimeed Manfac wanaagsan laga heli karo. Deegaankaasi badnaantiisa waxyaabo badan oo Midho iyo Khudaar ahi way ka bixi karaan hadi lagu Fikiro loona dhug yeesho.

ü Banka saraar waa ban aad u wayn oo xiliyada Gu’ga uu doog badan ka baxo waa dhul biyood roob ku aad u helo oo laga beeri karo khudaar iyo raashin kaafiyi kara wadanka Somaliland oo dhan.

ü Gobolka Salal xaruntiisuna tahay Magaalada Qadiimiga ah ee Saylac waxa ka mid yahay Gobolada Dhawaan la magacaabay waxaa ku yaal Laba Ban wanaagsan oo Doog ka baxo Xooluhuna aanay Madaxa kor u qaadin (Banka Geriyad iyo Banka Laba Dhegedka ) waxaana lagu dhaqi karaa Xoolo Tiro badan si dhaqaalaha wadanka loogu kaabo.

ü Gobolkan Sallal waxaa kale oo ku taal Bad aad u Manfac badan oo is Haysata wali,Iyadoo dakad yarina ku Qotonto Geerka. Dakadan waxa ku Manafacaadsada Dawlada Yemen iyo Jabuti kuwii lahaana Ilkuhuunbay ku daawadaan.Baddan waxaa meel yar oo aan durugsanayn kaga Qotonta Jasiirada Quruxda badan ee (Sacaadadiin) Balse ahmiyad lama siin, Faaiidada ka dhalan kartana Cidiba ma dheehanin,

Aduunka meelaha Jasiiradaha ah waa la isku dagaala, Waa meelaha ay dadku aadka u xiiseeyaan ee ay dalxiiska u Aadaan, Sacaadadiin ka horna Way yar yihiin Jasiirad Banaan oo aan la dagin, Loona dalxiisin, Huteelana laga dhisin.

Jasiiradan hadii loo dhug yeesho waxa laga Abuuri karaa dhaqaale badan , Waxase ay hada Illo xogogaal ahi sheegayaan in laga iibiyay nin Ganacsade ah lagana Dhisi Doono Goobo Dalxiis.

ü Waqooyiga Somaliland inkastoo ay Buuralay u badan tahay Hadana waa dhul Geed weyn ah oo laga helo Geedo Tayo Wanaagsan oo qaarkood Daawo loo adeegsan karo, Waanad arkaysaa in ilaahay dhulkan Nimco badan ugu deeqay Balse Dadkii lahaa dayaceen. Wakhtigii aan Dugsiga dhexe dhiganayay uun baan Macalimiinta qaar ka maqli jiray ( Afrika waa dhul Hodan ah Dadkeeduna Beerka ayay dhulka ku hayaan)

ü Koonfurta somaliland oo la yidhaahdo Hawd waa dhul aad u baaxad wayn oo leh geedo waawayn oo kala duwan waa dhul daaqsimeed uu doogu aad uga baxo waxyaabo badan laga beeri karo sidoo kale waxaa lagu dhiqi karaa xoolo badan waxaana laga fulin karaa mashaariic horumarineed.

ü Gobolka Ceerigaabo gabi ahaantiiba waa Gobol hodan ku ah xaga dhulka Cagaaran oo dhir badan oo noocyo badan ahi ku Unkan tahay Waa gobol Xiiso galinaya indhaha Binu aadamka, waxaa ku Yaal meelo Qadiimi ah oo taariikhdu badanaa Xusto waxaa kale oo Gobolkan ka xaba khudaar kala duwan sidoo kale gobolku waxa uu can ku yahay beeyada ama Fooxa oo aad ugu badan.

ü Haday Ogaan lahaayeen Khayraadka iyo Macdanaha ku duugan Dhulkooda Indhaha iskumay hayeen, Afkuna ma Basaaseen, Caruurtooduna Bada iskuma Qubteen iyagoo Tahriib miciinsanaya. Goobo badan oo Somaliland ah waxaa la Ogaaday in ay ku duugan yihiin Khayraad badan sida Saliid, Gas, (Gypsum) Macdan qaali ah oo dhulka badankiisa aan laga helin,Waxaa kale oo deegaanka Somaliland laga helaa Curiyayaal Qaali ah oo waxyaabo badan looga Faaiidaysan karo Sida Sulphur iyo Lead Waxaa kale oo laha hubaa in ay dhuxul dhagaxdu ku badan tahay, Nimcadaasi waa mid laga indho laayahay waxaana laga doortay in Bada la isku tuuro Indhahana lagu taago Yurub .

ü Somaliland waxay leedahay Bad lagu qiyaaso Xadi ku dhaw 600 mile Waxanay ku taal Badaasi meel istaraatiji ah, Waa meel isku xidha Qaarada Africa, Yurub, Barriga dhexe iyo Koonfur Barri Aasiya Sidaas darted waxaa ka suurto gali karta Dakad Caalami oo dhaqaale badan ka iman karo.

ü Laf dhabarta dhaqalaha Somaliland waa Xoolaha waxaana lagu qiyaasaa in ay ku nool yihiin Xoolo Gaadhaya 27 million Hadaba si Xoolaha Tiradooda iyo Tayadooduba u korodho waxay u Baahan yihiin In dhulkii la Ilaaliyo Loona sameeyo Dhul daaqsimeed iyo Hab Nidaami ah oo loo maamulo sida in la sameeyo Dhul daaqsimeedyo badan oo loo kala badalo Si ay Sanadba meel u daaqaan Xooluhu oo dhulkiina uu Ka Nabad Galo Nabaad Guurkii,

ü Buurta Sheikh oo ku taal gobolka Saaxil iyo Buurta Daallo oo ku taal Erigavo waa Buuro aad u qurux badan aadna u dhaadheer, Waa dhul indhuhu aad u jeclaystaan, Waa dhul Hawo wanagsan oo neecaw Saxansaxo alle ku galaday Sidaas ay tahay waxaa laga dhigi karaa Goobo Dalxiis ama Hotel si ay Ugu dagaan Dadyawga Ajaanibka ahi Wadankana Cashuur badan ayaa kasoo galaysa.

ü Waxaa meelo badan oo Somaliland ka mid ah wali kusii nool Duurjoogtii waxaana la arkaa Midh midh aad is odhanayso malaha tani waa Tuso Halawday Duurjoogta waxaa looga Faaiidaystaa Siyaabo badan waa mid in la Ugaadhsado in Loo adeegsado Manafacaad kale iyo La Dhoofiyo Balse waa marka la hesho dhul ay ku taranto iyo Cid daryeesha.

Fuaad Abdillahi Hassan

Hargeisa, Somaliland