Illaahaw Laba Taloba Tii Roon.

Mudada Gaaban ee ay Jirtay Dawlada Somaliland waxay ku talaabsatay horumar waxaana laga hirgaliyay dimuqraadiyad, Dastuur, Nabad, Doorashooyin kala duwan, iyo Cadaalad hanaqaaday Caalamka oo dhan ayaa Og kana dharagsan kaalinta ay Somaliland kaga jirto Geeska Afrika iyo
Sida ay muhiim ugu tahay Bulshada Caalamka, Afrika iyo Shacabka Reer Somaliland-ba Sidaas ay tahay waxaa muhiim ah in laga taxadiro laguna dagdagin Go’aan kasta oo carqaladayn kara Hayaanka ay Somaliland ku jirto arinta kasta oo soo korodhana waa in si daganaan oo bilaa caadifad ah looga fikiro si looga aayo midho wanagsan.

Intaa kadib waxa baryahan Dalka ka taagnayd dooda Furista Xisbiyada badan taasi oo ay bulshada Reer Somaliland ku kala qaybsan yihiin Gudo iyo Dibadba Hadaba hadii ay noqoto in xisbiyo badan Somaliland laga Abuuro miyaanay keeni Karin Nidaam Qabiil ku dhisan una suurto galinaya Qabiil walba in uu ku dadaalo sidii uu u furan lahaa Xisbi uu ka dhex muuqdo? Miyaan loo baahnayn in laga taxairo wax kasta oo dib usoo yagleeli kara Qabyaaladii la aasay ee Godka lagu riday?.

Balse taa lidigeeda in ay saddexdan Hogaamiye ay bulshada kooto ku haystaana iyadna maaha mid loo baahan yahay oo shacabka u cuntanta sobobtoo ah waxaa jira dad badan oo aqoon leh kuna taamaya in ay wadanka Hogaamiyaan Hadaba si ay fursad ay kusoo baxaan u helaan waxaa daruuri ah in Sadexdan xisbi ee hada jira aanay noqon qaar kooto ah oo ay shaqsiyo si gaar ah u maamushaan, waxaase muhiima in sadexdan xisbi dhexdooda uu qof walba oo muwaadin ah, aqoona leh uu iska soo sharixi karo Cilmigiisa iyo aqoontisana uu kusoo baxo, taasoo jidaynaysa in ay xisbiyada Dhexdoda doorasho xalaal ah ka dhacdo oo uu is sharixi karo Qof walba oo Golaha Dhexe ee Xisbiga ka tirsani Hadii ay taasi suurto gashona waxaa soo baxaya siyaasiyiin tayo leh oo hogaamin iyo aqoon leh Bulshadana hagi kara.

Hadaba walaalayaal Iyadoo aynu dhawaan sugayno in ay soo baxdo Natiijada iyo Go’aanka kama danbaysta ah ee uu Gudidii talo bixinta Xisbiyada uu dhawaan Madaxweynuhu Magacaabay ayaan labada arin ee madaxweynuhu Gudida u magacaabayn midna inoo wanaagsanayn, In xisbiyo badan dib loo yagleelo iyo in ay sadexdan xisbi kooto inagu haystaanba dan uma aha shacabka sidaas ay tahay ilaahay ayaa og hadana wixii inoo dan ah ee shacabka iyo dalkuba ku hagaagayo sidaas darteed alle waxaan ka baryaynaa in uu laba taloba tii roon inoo dooro,

Fursita Xisbiyada iyo Sadexdan Xisbi ee kootada ahba waxaa inooga wanaagsan lagagana maarmi karaa in xisbiyo la furo iyadoo in sadexdan xisbi ee Hada jira noqdaan qaar la iska sharixi karo oo qof walba oo muwaadin ah Golaha dhexe ee xisbiga ku jiraana uu xaq u leeyahay inu aqoontiisa ku hanan karo inuu noqdo Hogaamiyaha Xisbiga.

Guntii iyo Gabagabadii waxaan kula talinayaa Gudida Talo bixinta Furista Xisbiyada ee digreetada ku magaacabay Madaxweynuhu in ay ka fiirsadaan labadaa arin ee madaxweynuhu u igmaday kuan dagdagin Go’aan aan loo aayin, Caqli degan oo bilaa caadifad ah ayaa la idiinka baahan yahay maseerka iyo Danta umada ka taliya kana dhiidhiya waxii umada dhib u keeni kara, Ha noqonina Taliyeyaal xun xun oo taladoodu noqoto mid dib u dhac ah ilaahayna Labo taloba tii roon ha inoo dooro.

Fuaad Abdillahi Hassan

Fuaad_phy@hotmail.com