Xukumada Siilaanyo ma ka gudbi doontaa Dabinada Cadawgu maleegayo?

2010 Doorashadii ka dhacday Dalka Somaliland oo uu tiro badan ku guulaystay Mudane Axmed Siilaanyo iyo Xisibigiisa mudadii ka danbaysay waxaa soo baxaya Cadaw badan oo loolan adag kula jira
Xukuumada Siilaanyo iyo Dawladnimada Somaliland Maalinba maalinta ka danbaysayana maleegaya dabino.Waxaa soo baxay dad badan oo dawlda Somaliland taageero badan u hayay in ay hada kaso horjeedsadeen oo ay cadawga ku noqdaan Dawladnimada Somaliland iyagoo aan haysan Qiil ama qalad ay ku andacoonayaan oo xukumadu kaga duwan tahay kuwii hore.

Waxaa soo badanaya Shaqsiyaad badan oo ka xun Madaxweynenimada Axmed Maxamud Siilaanyo qiilna ka dhiganaya SNM ayuu ahaa, Suaashuse waxay tahay SNM miyaanay ahayn nimankii wadankaba dhisay ee cadawga Duurka u galay Gayigana ka dhaliyay Nadada Alle ka sokow?

Dabinkii ugu horeeyay oo ay xukuumada siilaanyo la kawsatay waxa uu ahaa markii ay xukumadii ka horaysay ka tagtay Qasnadaha dawlada oo madhan iyo Shaqaalaha dawlada oo aan mudo waxba qaadan, dayn badana lagu leeyahay.

Golihii wasiirada ee xukumadii Riyaale iyo Xubno kale oo dawladaas la shaqayn jiray waxaa iska cad in ay yihiin manta Cadawga Somaliland Taasi oo aynu odhan karno waa Calooshood u shaqaystayaal inagoon cidna si gaar ah u magacaabin balse way jiraan waxaana lagu dareemi karaa Hab dhaqanka ay lasoo baxeen iyo Hadalada ay warbaahinada ka yidhaahdaan.

Dhab ahaan marka loo hadlo Xukuumadan way ka furfuran tahay xukuumadihii hore Hadii daahir lagu nacay Aniga ayaa taliYA! Aniga ayaa Madaxweyne ah! Cidna la tashan mayo! . siilaanyo manta waxa uu shacabkii ka haqabtiray in ay la wadaagaan Taloyinka wadanka Talaabo walba oo la qaadayana Waxa uu u magacaabay Gudi kazoo talo bixisa haday Noqoto Gudidii Kasoo talo bixinta Qaab dhismeedka Xukuumada, Gudidii Talobixinta Xisbiyada, Gudidii Ceel bardaale, Gudidii Diyaaradii Hubka Siday, iyo Gudiyo badan oo kale Halkaa waxaa inoga muuqata in uu Madaxweyne Siilaanyo yahay Madaxweyne ka badbaaday dhaqanka Digtaytarnimada Hadana iyadoo ay sidaas tahay oo siilaanyo yahay Madaxweyne Nasteex ah oo dalkiisa iyo dadkiisa qadarin u haya waxaa muuqata in talaabo kasta oo uu qaado lagu colaysanayo laguna dhaliilayo.

Go’aankii shaqaqadii kalshaale oo ahaa mid dhex dhexaad ah oo uu madaxweynuhu ka digtoonaaday inuu dhinac u xagliyo hadana Dadka qaar kuma qancin ee si kale ayaa loo turjumay waanan ogayn halka ay gaadhay Xataa heer ay gaadhay in labadii beelood ee arinku dhex maray gaar ahaan Beesha qorilugud oo xaqooda dhacsan jiray in la cadaadiyay oo laga hiiliyay.

Jabhada Nabad diidka ah SSC oo ku dhisan mabda’ aan sal iyo raad toona lahayn ayaa maalin iyo habeen waxay u taagan yihiin sidii ay Somaliland uga dhigi lahaayeen mandaqad holcaysa iyagoo ku doodaya somaliweyn ayaan doonaynaa taageerana ka helaya Dhinacyo badan oo Somaliland kazoo horjeeda sida ONLF, PUNTLAND iyo Xukuumada Sheekh Shariif.

Beelaha Sool waxay ay si cad uga soo horjeedaan Qaranka Somaliland waxaanay olole ugu jiraan sidii Somaliland u burburi lahay sidoo kale Reer awdal oo Dawladnimada Somaliland udub dhexaad u ahaa dhisitaankeeda waxa iyana lagu beeray cudur la yidhaa qabyaalada iyo Wasiro ma lihid Balse Maalintii ay SNM wadanka qabsatay ee ay Gogosha u dhigayeen way ku qanacsanayeen Saamigooda waxna lagama badalin ee waa sidii uun Saamigii loo qoondeeyay Balse xaalku wuxu u eeg yahay Ma doonayno in uu na xukumo siilaanyo ama cid ka tirsan Qabiilka uu kasoo jeedo (ISAAQ).

Waxaa jira iskaashatoyin badan oo cid walba leh doonayana in ay qaybinayaan Dalka Somaliland una kala jaraan Gobolo iyagoo iska indho tiraya Xuduudaha Caalamiga ah ee Somaliland kuna soo gabanaya Qabaailo.

Waxaa jiro Shirar badan oo la doonayo madaxbanaanida Somaliland in lagu mijo xaabiyo lagana dhigayo in ay Somaliland ka tirsan tahay Somalia Shirarkaasi oo siyaasadaysan waxa Somaliland la gudboon inaanay ka qayb galin.

Waxaa jira dad olole ugu jira sidii ay Somaliland uga dhigi lahayeen Dawlad Qabiil leeyahay waxaan la soconaa in ay mudahaado laga soo horjeedo Somaliland ka dhaceen meelo badan oo caalamka ka mid ah.

Hadaba waxaa is waydiin leh Xukuumada siilaanyo dabinadaas iyo qaar kale oo badan oo loo ma leegayo maka gudbi doontaa ? Ma leedahay Awood ay iskaga difaacdo iskaashatooyinka Cadawga ah? Mise waxay noqon doontaa mid cadawgu ka guulaysto ?

Runtii loolan adag ayaa lagu jiraa Somaliland sidaas darted waxaa muhiim ah in shacab iyo xukuumadba gacmaha la isqabsado Gacmo wadajir bay wax ku gooyaan Somaliland allaw dhawr. Dawladnimada Somaliland waxay dan u tahay dhamaan shacabka daga lixda gobo lee Somaliland hadii aanay Somaliland maanta jiri lahayn waxaa iska cad in aanay jireen horumarka gobolada Somaliland maanta ka muuqda sidaa darted Somaliland umad oo dhan ayay dan u tahay ee hala wada ilaashado hadii kale ogada in aydin ku danbayn doontaa tabta muqdisho ka taagan subax walba.

Fuaad Abdillahi Hassan

Fuaad_phy@hotmail.com

Hargeisa, Somaliland